In basco co Euskal Herria A se intende sia el posto abità da i baschi, sia l'insieme dei baschi, el popoło basco. El motivo de tale particołarità l'è da risercar inte ła storia basca, che no l'ha quaxi mai visto na unità teritoriale basca; storicamente difati l'è l'atacamento a ła sò cultura quel che l'ha parmeso a i baschi de mantegner un forte grado de unità, seben ghe fuse divizion de confine, e la conservasión de un patrimonio lenguistico de valore fondamental par l'intiera comunità umana. Se pol quindi dir che un basco l'è principalmente ci che el parla basco prima che un abitante de Euskal Herria.